Аввал хабар берганимиздек, Давлатимиз раҳбари топшириғига биноан Миллий гвардия қўмондони Р.Джураев бошчилигидаги идоралараро ишчи гуруҳ томонидан, Навоий вилоятида аҳолининг муаммоларини аниқлаш ва бартараф этиш ҳамда криминоген вазият барқарорлигини таъминлашга қаратилган чора-тадбирлар давом эттирилмоқда
Ўрганишлар давомида аҳолини ташвишга солаётган долзарб кундалик ижтимоий-маиший муаммоларни ҳал этишда секторлар фаолиятининг самарадорлиги, ишсизлик ва камбағалликни қисқартириш, оилавий тадбиркорлик, ёшлар ва аёлларнинг ташаббускор лойиҳаларига кўмаклашиш чоралари кўрилмоқда.
Хусусан, бугун идоралараро ишчи гуруҳ таркибидаги масъул вазирлик ва идоралар мутасаддилари жойларга чиқиб аҳоли билан учрашдилар ва аниқланган муаммоларнинг аксарияти мурожаат қилган фуқаролар кўз ўнгида ҳал қилинди. Амалга оширилаётган ҳамкорликдаги ишлар самарасида, вилоятдаги криминоген вазиятни янада барқарорлаштириш ҳамда аҳоли ўртасида ишсизликни қисқартириш айниқса аёллар ва ёшларни бандлигини таъминлашга қаратилган масалалар ўз ечимини топмоқда.
