"Aydar-Arnasoy ko‘llar tizimi"da huquqbuzarliklarni oldini olishga qaratilgan reyd tadbirlari davom ettirilmoqda
Joriy yilning 4 yanvar kuni “Qo‘riqlash” bosh boshqarmasi "Aydar-Arnasoy ko‘llar tizimi"ni muhofaza qilish boshqarmasi, Ekologiya va atrof muhitni muhofaza qilish boshqarmasi xodimlari bilan hamkorlikda o‘tkazilgan tezkor tadbirda ko‘l hududida noqonuniy baliq ovlanayotgan fuqarolar aniqlanib qo‘lga olindi.
Dastlabki surishtiruv davomida ushbu shaxslar Arnasoy tumanida yashovchi A.Z va S.Z ekanligi, ularning yonida umumiy og‘irligi 15 kg bo‘lgan 3 xil turdagi baliq mahsulotlari hamda ov qilish anjomlari mavjudligi aniqlandi.
Hozirda holat yuzasidan xodimlar tomonidan hujjatlar rasmiylashtirilib, ko‘rib chiqish uchun sudga jo‘natildi.
