"Айдар-Арнасой кўллар тизими"да ҳуқуқбузарликларни олдини олишга қаратилган рейд тадбирлари давом эттирилмоқда
Жорий йилнинг 4 январь куни "Қўриқлаш" бош бошқармаси "Айдар-Арнасой кўллар тизими"ни муҳофаза қилиш бошқармаси, Экология ва атроф муҳитни муҳофаза қилиш бошқармаси ходимлари билан ҳамкорликда ўтказилган тезкор тадбирда кўл ҳудудида ноқонуний балиқ овланаётган фуқаролар аниқланиб қўлга олинди.
Дастлабки суриштирув давомида ушбу шахслар Арнасой туманида яшовчи А.З ва С.З эканлиги, уларнинг ёнида умумий оғирлиги 15 кг бўлган 3 хил турдаги балиқ маҳсулотлари ҳамда ов қилиш анжомлари мавжудлиги аниқланди.
Ҳозирда ҳолат юзасидан ходимлар томонидан ҳужжатлар расмийлаштирилиб, кўриб чиқиш учун судга жўнатилди.
