Bankomat oldidagi yong‘in xodimlarning saʼy-harakati tufayli o‘z vaqtida bartaraf qilindi.
Joriy yilning 4 iyun kuni soat 19:39 da Qashqadaryo viloyati G‘uzor tumani Qo‘riqlash bo‘limiga Milliy bank G‘uzor tumani filiali oldidagi 24/7 bankomatidan “tashvish” xabari kelib tushgan.
Xabarga asosan THG xodimlari voqea joyiga yetib borganda, mazkur bankomat oldidagi axlat qutisi yonayotganligi maʼlum bo‘lgan va yong‘in xodimlar tomonidan bartaraf etilgan.
Holat bo‘yicha bank masʼul xodimlari chaqirtirilib tekshirilganda bankomatga hech qanday zarar yetmaganligi va u ishchi holatda ekanligi maʼlum bo‘lgan.
Bu vaqtda bankomat joylashlgan xona tashqarisida notanish ayol bo‘lgan. Holatga oydinlik kiritish maqsadida bank videokuzatuv kamerasi orqali tekshirilganda yong‘in mazkur fuqaro tomonidan sodir etilganligi aniqlangan.
Xodimlar voqea sabablarini aniqlash uchun fuqaroni hududdagi ichki ishlar xodimi xonasiga taklif qilgan, biroq fuqaro yonida bo‘lgan o‘tkir tig‘li jism (pichoq) bilan ularga qarshilik ko‘rsatishga uringan. Shundan so‘ng, fuqaro majburan IIO ga olib borilgan.
Dastlabki surishtiruv ishlarida ushbu fuqaro X.M ekanligi maʼlum bo‘ldi.
Hozirda mazkur holat yuzasidan IIB masʼul xodimlari tomonidan surishtiruv harakatlari olib borilmoqda.
