Банкомат олдидаги ёнғин ходимларнинг саъй-ҳаракати туфайли ўз вақтида бартараф қилинди.
Жорий йилнинг 4 июнь куни соат 19:39 да Қашқадарё вилояти Ғузор тумани Қўриқлаш бўлимига Миллий банк Ғузор тумани филиали олдидаги 24/7 банкоматидан “ташвиш” хабари келиб тушган.
Хабарга асосан ТҲГ ходимлари воқеа жойига етиб борганда, мазкур банкомат олдидаги ахлат қутиси ёнаётганлиги маълум бўлган ва ёнғин ходимлар томонидан бартараф этилган.
Ҳолат бўйича банк масъул ходимлари чақиртирилиб текширилганда банкоматга ҳеч қандай зарар етмаганлиги ва у ишчи ҳолатда эканлиги маълум бўлган.
Бу вақтда банкомат жойлашлган хона ташқарисида нотаниш аёл бўлган. Ҳолатга ойдинлик киритиш мақсадида банк видеокузатув камераси орқали текширилганда ёнғин мазкур фуқаро томонидан содир этилганлиги аниқланган.
Ходимлар воқеа сабабларини аниқлаш учун фуқарони ҳудуддаги ички ишлар ходими хонасига таклиф қилган, бироқ фуқаро ёнида бўлган ўткир тиғли жисм (пичоқ) билан уларга қаршилик кўрсатишга уринган. Шундан сўнг, фуқаро мажбуран ИИО га олиб борилган.
Дастлабки суриштирув ишларида ушбу фуқаро Х.М эканлиги маълум бўлди.
Ҳозирда мазкур ҳолат юзасидан ИИБ масъул ходимлари томонидан суриштирув ҳаракатлари олиб борилмоқда.
