BESh TASHABBUS — BESh IMKON!
Milliy gvardiya Sirdaryo viloyati bo‘yicha boshqarmasi, Qo‘riqlash boshqarmasi, Yoshlar ittifoqi viloyat Kengashi, “Dinamo” jismoniy tarbiya va sport jamiyati viloyat kengashi bilan hamkorlikda harbiy xizmatchi va xodimlarning oila aʼzolarini bo‘sh vaqtlarini samarali tashkil etish, farzandlarining yozgi taʼtil kunlarini mazmunli o‘tkazishlarini taʼminlash maqsadida dala o‘quv maydonida besh tashabbus doirasida tadbir tashkil etildi.
Tadbirda sportning shaxmat-shashka, kurash, stol tennisi bo‘yicha musobaqalar, badiiy kitoblar ko‘rgazmasi, musiqiy to‘garaklar hamda eng so‘ngi rusumdagi zamonaviy qurol-aslahalar ko‘rgazmasi tashkil etildi.
Shuningdek, bolajonlarga qorabayir otlari haqida qiziqarli maʼlumotlar berilib, otlarga minish yo‘l-yo‘riqlari o‘rgatildi. Ochiq osmon ostida, tabiat qo‘ynida tashkil etilgan mazkur tadbir bolajonlar qalbida katta taassurot qoldirishi bilan bir qatorda maʼnaviy ozuqa berdi desak mubolag‘a bo‘lmaydi.
