Turkiy davlatlar tashkiloti sammiti xavfsizligi yuqori darajada taʼminlandi
Joriy yilning 11 noyabrʼ kuni Turkiy davlatlar tashkiloti sammiti bo‘lib o‘tgan Samarqandga xalqaro jamiyat o‘z eʼtiborini qaratdi.
Anʼanaga ko‘ra, sammitda ishtirok etuvchi davlatlar rahbarlarini kutib olish marosimini tashkil etish Milliy gvardiyaga yuklatilgan bo‘lib, bu vazifa Milliy gvardiya faxriy qorovullari tomonidan bajarildi.
Shu bilan bir qatorda, Milliy gvardiya huquq-tartibot idoralari va huquqni muhofaza qiluvchi organlar bilan hamkorlikda sammitda ishtirok etuvchi 7 davlat – Ozarbayjon Respublikasi, Qozog‘iston Respublikasi, Qirg‘iziston Respublikasi, Turkiya Respublikasi, Turkmaniston,Vengriya va davlatimiz rahbarlari, shuningdek, xalqaro tashkilotlar vakillari, jumladan, Xalqaro Turkiy madaniyat tashkiloti (TURKSOY), Turkiy Davlatlar Parlament Assambleyasi (TURKPA), Xalqaro Turk Akademiyasi, Turkiy tillar akademiyasi, Turkiy tillar madaniyati va merosi jamg‘armasi, ushbu ko‘p tomonlama tuzilmaning Kotibiyati vakillarining xavfsizligini taʼminlash hamda sammit o‘tkaziladigan hudud va delegatsiyalar turar joylarida jamoat tartibini saqlash bo‘yicha oldindan chora-tadbirlar ko‘rildi.
Ekspertlarning fikricha, Turkiy davlatlar tashkiloti sammiti yuqori saviyada tashkil etilib, sammit xavfsizligini taʼminlashda tuzilmalar tomonidan belgilangan vazifalar to‘liq bajarildi.
