Туркий давлатлар ташкилоти саммити хавфсизлиги юқори даражада таъминланди
Жорий йилнинг 11 ноябръ куни Туркий давлатлар ташкилоти саммити бўлиб ўтган Самарқандга халқаро жамият ўз эътиборини қаратди.
Анъанага кўра, саммитда иштирок этувчи давлатлар раҳбарларини кутиб олиш маросимини ташкил этиш Миллий гвардияга юклатилган бўлиб, бу вазифа Миллий гвардия фахрий қоровуллари томонидан бажарилди.
Шу билан бир қаторда, Миллий гвардия ҳуқуқ-тартибот идоралари ва ҳуқуқни муҳофаза қилувчи органлар билан ҳамкорликда саммитда иштирок этувчи 7 давлат – Озарбайжон Республикаси, Қозоғистон Республикаси, Қирғизистон Республикаси, Туркия Республикаси, Туркманистон, Венгрия ва давлатимиз раҳбарлари, шунингдек, халқаро ташкилотлар вакиллари, жумладан, Халқаро Туркий маданият ташкилоти (ТУРКСОЙ), Туркий Давлатлар Парламент Ассамблеяси (ТУРКПА), Халқаро Турк Академияси, Туркий тиллар академияси, Туркий тиллар маданияти ва мероси жамғармаси, ушбу кўп томонлама тузилманинг Котибияти вакилларининг хавфсизлигини таъминлаш ҳамда саммит ўтказиладиган ҳудуд ва делегациялар турар жойларида жамоат тартибини сақлаш бўйича олдиндан чора-тадбирлар кўрилди.
Экспертларнинг фикрича, Туркий давлатлар ташкилоти саммити юқори савияда ташкил этилиб, саммит хавфсизлигини таъминлашда тузилмалар томонидан белгиланган вазифалар тўлиқ бажарилди.
