Bir guruh harbiy xizmatchilar va xodimlarga harbiy va maxsus unvonlar topshirildi.
O‘zbekiston Respublikasi Milliy gvardiyasi qo‘mondoni buyrug‘iga asosan bir guruh harbiy xizmatchi va xodimlarga navbatdagi harbiy va muxsus unvonlar berildi.
Jumladan, Milliy gvardiya Surxondaryo viloyati bo‘yicha boshqarmasida o‘z xizmat vazifasini sidqidildan bajarib o‘z safdoshlariga o‘rnak bo‘lgan bir guruh harbiy xizmatchilarga navbatdagi harbiy unvonlarni topshirish marosimi bo‘lib o‘tdi.
Unda, Milliy gvardiya Surxondaryo viloyati bo‘yicha boshqarmasi boshlig‘ining birinchi o‘rinbosari podpolkovnik N. Tursunov, boshqarma boshlig‘ining o‘rinbosari mayor Z. Axbo‘tayev va harbiy qism komandiri podpolkovnik O. Maxmudovlar ishtirok etib, shaxsiy tarkibni yurtimiz tinchligi va xalqimiz osoyishtaligini taʼminlash yo‘lida o‘zining fidokorona xizmatlari bilan munosib hissa qo‘shib kelayotganligini eʼtirof etib, navbatdagi unvon olgan harbiy xizmatchilarni tabrikladi.
