“Biz bir bo‘lsak - yagona xalqmiz, birlashsak - Vatanmiz!” shiori ostida yoshlar “Maʼnaviyat marafoni”
Joriy yilning 29 yanvar kuni Milliy gvardiyasi Jizzax viloyati bo‘yicha boshqarmasi va Qo‘riqlash boshqarmasi tomonidan Mirzacho‘l tumanidagi “Qizil toifa”ga kiritilgan Mustaqillik va Yerjar MFY hududlarida joylashgan 1 va 18 umumtaʼlim maktablarida harbiy vatanparvarlik tadbirlari o‘tkazildi. Unda harbiy xizmatchilar tomonidan davra suhbatlari o‘tkazildi. Yoshlarda Vatanparvarlik g‘oyalarini kuchaytirishda uning ahamiyati to‘g‘risida tushuntirish-targ‘ibot ishlari amalga oshirildi. Shuningdek, mamlakatimizda tinchlik va osoyishtalikni taʼminlash, jamoat tartibini saqlash, huquqbuzarliklarga qarshi kurashishda eʼtibor berishlari lozim bo‘lgan jihatlar, yoshlar bilan ishlash, ularning muammolarini o‘rganish va hal etish yuzasidan tushuntirish ishlari olib borildi. Yoshlarning turli sohalarga oid savollariga malakali mutaxassislar tomonidan javoblar berildi. Tadbir yakunida vatanni madh etuvchi kuy va qo‘shiqlar kuyladi.
