“Biz bir bo‘lsak – yagona xalqmiz, birlashsak – vatanmiz!” shiori ostida hamkorlikdagi harbiy-vatanparvarlik hamda sport tadbirlari o‘tkazilmoqda
Bugungi kunda yosh avlodga juda katta imkoniyatlar yaratilgan bo‘lib, ularni harbiy-vatanparvarlik hissida ulg‘ayishlari uchun yangi tizim yaratilgan.
Xususan joriy yilning 20-iyul kunda Milliy gvardiya Andijon viloyati bo‘yicha boshqarmasi harbiy xizmatchi hamda xodimlari, harbiy prokuratura masʼullari bilan hamkorlikda Izbosgan tumanida joylashgan “Burgut” nomli sog‘lomlashtirish oromgohida harbiy-vatanparvarlik va sport tadbirlari o‘tkazildi.
Bo‘lib o‘tgan tadbirda o‘quvchi yoshlarning bo‘sh vaqtlarini mazmunli o‘tkazishga qaratilgan bir qator sport musobaqalari, kamondan o‘q otish, boks, stol tenisi, shaxmat-shashka, quvnoq estafeta kabi sport musobaqalari bo‘lib o‘tib, zamonaviy harbiy qurol-aslaha ko‘rgazmalari namoyish etildi.
Musobaqa yakunida g‘olib va sovrindorlarga diplom va qimmatbaho esdalik sovg‘alari topshirildi.
