Bolajonlar bilan psixologik trening o‘tkazildi
Ayni kunlarda mamlakatimizda o‘sib kelayotgan yosh avlodga alohida eʼtibor qaratilib, bu borada islohotli ishlar amalga oshirilmoqda.
Xususan, Qoraqalpog‘iston Respublikasi bo‘yicha Milliy gvardiya boshqarmasi psixologlari tomonidan Xo‘jayli tumanida joylashgan Mehribonlik uyida “Yoshlar-bizning kelajagimiz, ularni komil insonlar qilib tarbiyalash har birimizning vazifamizdir” shiori ostida psixologik trening tashkil etildi.
Tadbir avvalida so‘z olganlar, davlatimiz tomonidan yoshlar uchun yaratilayotgan imkoniyatlar haqida aytib, ularni tartibli, bilimli bo‘lishga, ko‘plab kitoblar o‘qib, sport bilan muntazam shug‘ullanishga undadi.
Shundan so‘ng malakali psixolog yoshlar uchun yangi interaktiv usullarni qo‘llagan holda psixologik trening o‘tkazdi.
Tadbir yakunida psixologlar tomonidan yoshlarga maslahatlar berilib, tarbiyalanayotgan bolajonlar bilan o‘zaro fikr almashishdi.
O‘tkazilayotgan bu kabi maqsadli tadbirlar barcha Mehribonlik uylari tarbiyalanuvchilarini Vatanga munosib yetuk va barkamol inson bo‘lib ulg‘ayishlarida muhim ahamiyat kasb etmoqda.
