Болажонлар билан психологик тренинг ўтказилди
Айни кунларда мамлакатимизда ўсиб келаётган ёш авлодга алоҳида эътибор қаратилиб, бу борада ислоҳотли ишлар амалга оширилмоқда.
Хусусан, Қорақалпоғистон Республикаси бўйича Миллий гвардия бошқармаси психологлари томонидан Хўжайли туманида жойлашган Меҳрибонлик уйида “Ёшлар-бизнинг келажагимиз, уларни комил инсонлар қилиб тарбиялаш ҳар биримизнинг вазифамиздир” шиори остида психологик тренинг ташкил этилди.
Тадбир аввалида сўз олганлар, давлатимиз томонидан ёшлар учун яратилаётган имкониятлар ҳақида айтиб, уларни тартибли, билимли бўлишга, кўплаб китоблар ўқиб, спорт билан мунтазам шуғулланишга ундади.
Шундан сўнг малакали психолог ёшлар учун янги интерактив усулларни қўллаган ҳолда психологик тренинг ўтказди.
Тадбир якунида психологлар томонидан ёшларга маслаҳатлар берилиб, тарбияланаётган болажонлар билан ўзаро фикр алмашишди.
Ўтказилаётган бу каби мақсадли тадбирлар барча Меҳрибонлик уйлари тарбияланувчиларини Ватанга муносиб етук ва баркамол инсон бўлиб улғайишларида муҳим аҳамият касб этмоқда.
