BOSHQARMA BOSHLIG‘I KUBOGI UCHUN MUSOBAQALAR DAVOM ETMOQDA
Yoshlar o‘rtasida sportning kikboksing turiga bo‘lgan qiziqishlarini yanada oshirish, sog‘lom raqobat va musobaqa muhitini yaratish, yosh avlodni buyuk ajdodlarimiz kabi mard, jasur, halol, jismonan baquvvat, bilimli, keng dunyoqarashli va vatanparvarlik ruhida tarbiyalash maqsadida kshplab sport musobaqalari o‘tkazib kelinmoqda.
Jumladan, joriy yilning 28 iyul' kuni sportning “Kikboksing” turi bo‘yicha Milliy gvardiya Navoiy viloyati bo‘yicha boshqarmasi boshlig‘i Kubogi musobaqasi o‘tkazildi.
O‘zbekiston kikboksing assosiasiyasi Navoiy viloyati bo‘limi, Milliy gvardiya Navoiy viloyati bo‘yicha boshqarmasi hamda Qo‘riqlash boshqarmasi hamkorligida o‘tkazilgan ushbu musobaqa qizg‘in va murosasiz janglarga boy bo‘ldi.
Sportchilarning harakatlari xalqaro toifadagi hakamlar tomonidan baholanib borildi. Yakuniy natijalarga ko‘ra umumjamoa xisobida 3-o‘rinni Qiziltepa tumani jamoasi, 2-o‘rinni Milliy gvardiya jamoasi, faxrli 1-o‘rinni esa Navoiy shaxar jamoasi qo‘lga kiritdi.
