Buxoro viloyati “Qo‘riqlash” boshqarmasi tomonidan o‘quvchi yoshlarning “Ishga marhamat” monomarkaziga tashrifi tashkillashtirildi.
Mamlakatimizda mehnat shakllarini rivojlantirish, taʼlim muassasalari bitiruvchilari va yoshlarning zamonaviy kasb-hunar egallashlari uchun sharoitlar yaratish hamda ularni qo‘llab-quvvatlash, shuningdek, ularning har tomonlama yetuk, malakali mutaxassis bo‘lib yetishishlarini taʼminlash maqsad qilingan.
Shu munosabat bilan Milliy gvardiya Buxoro viloyati “Qo‘riqlash” boshqarmasi tomonidan mustaqil hayotga qadam qo‘yayotgan yigit qizlarining jamiyatda o‘z o‘rinlarini topishlarida ularni to‘g‘ri kasb hunarga yo‘naltirish maqsadida Buxoro viloyati Prezident maktabi tasarrufidagi Jondor tumani ixtisoslashtirilgan maktab o‘quvchi yoshlar uchun “Ishga marhamat” monomarkaziga sayohat uyushtirildi.
Ushbu monomarkazda o‘quvchilarga xorijiy tillarni o‘rganish kursi, tadbirkorlik asoslarini o‘qitish, servis xizmat ko‘rsatish, texnik sohalar yo‘nalishlari bo‘yicha kasb hunarlar haqida to‘liq tushunchalar berildi.
Sayohat davomida o‘quvchilar ushbu markazda kasb-hunar o‘rgatish uchun yaratilgan shart sharoitlar bilan tanishdilar.
