BUYUK SIYMONI YODGА OLIB
Аmir Temur — oʼzligimizni anglash, milliy anʼana va qadriyatlarimizni tiklash borasidagi ulugʼvor ishlarda xalqimizga maʼnaviy kuch bagʼishlab kelayotgan ulugʼ siymolardan biridir.
Sohibqiron tavallud topgan kun mamlakatimizda har yili koʼtarinki ruhda keng nishonlanadi. Bu yil ham ulugʼ sarkarda tavalludining 685 yilligi tadbirlari katta xursandchilik bilan oʼtkazilmoqda. Bugun Milliy gvardiya Аndijon viloyati boʼyicha boshqarmasida Аmir Temur byustining tantanali ochilish marosimi boʼlib oʼtdi.
Unda Milliy gvardiya Аndijon viloyati boʼyicha boshqarmasi hamda Qoʼriqlash xizmati harbiy xizmatchi va xodimlari, Oliy taʼlim, Xalq taʼlimi va Maktabgacha taʼlim idoralari vakillari, yozuvchi-shoirlar, olimlar, talaba-yoshlar, keng jamoatchilik vakillari ishtirok etdi.
Tadbirga maktab oʼquvchilari tomonidan tayyorlangan sahna koʼrinishlari, musiqiy chiqishlari oʼzgacha koʼrk bagʼishladi. Sport musobaqalari esa Temurbek avlodlarini befarq qoldirmadi.
Bu kabi tadbirlarning azaliy qadriyatlarimizga hamohang tarzda nishonlanishi yosh avlodning va harbiy xizmatchilarimizning tariximizga oid bilimini, ulugʼ bobomiz siymosiga hurmat-ehtiromini yanada yuksaltiradi.
