BUXORO VILOYATINING ChEKKA TUMANLARIDA HAM OT SPORTI TARG‘IB ETILMOQDA

Mamlakatimizda ot sport turini targ‘ib etish hamda yoshlarni mahoratli, umidli sportchilar qilib tarbiyalash borasida tizimli ishlar yo‘lga qo‘yilgan bo‘lib, ayni vaqtda o‘smirlar va yoshlarni ot sporti, zamonaviy beshkurash, polo va uloq-ko‘pkari bilan muntazam shug‘ullanishga jalb etish, iqtidorli yoshlarni aniqlash bo‘yicha tizimli ishlar amalga oshirilmoqda.

Xususan, Milliy gvardiya Buxoro viloyati Qo‘riqlash boshqarmasi Shofirkon tuman bo‘limi tomonidan tashkil etilgan “Ot poyga”si musobaqalari ham shular jumlasidandir.

Musobaqa o‘tkazish bilan birgalikda Shofirkon tumani ot sporti ustalari ot choptirish borasida hudud yoshlariga mahorat darslarini o‘tab berishdi. Ularning epchillik hamda mahorat bilan amalga oshirgan harakatlari yoshlarda katta taassurot qoldirdi.

Musobaqa yakunida tashkilotchilar tomonidan ishtirokchilarga diplom va esdalik sovg‘alari topshirildi.

Belgilangan matnni tinglash uchun quyidagi tugmani bosing Powered by GSpeech