БУХОРО ВИЛОЯТИНИНГ ЧЕККА ТУМАНЛАРИДА ҲАМ ОТ СПОРТИ ТАРҒИБ ЭТИЛМОҚДА
Мамлакатимизда от спорт турини тарғиб этиш ҳамда ёшларни маҳоратли, умидли спортчилар қилиб тарбиялаш борасида тизимли ишлар йўлга қўйилган бўлиб, айни вақтда ўсмирлар ва ёшларни от спорти, замонавий бешкураш, поло ва улоқ-кўпкари билан мунтазам шуғулланишга жалб этиш, иқтидорли ёшларни аниқлаш бўйича тизимли ишлар амалга оширилмоқда.
Хусусан, Миллий гвардия Бухоро вилояти Қўриқлаш бошқармаси Шофиркон туман бўлими томонидан ташкил этилган “От пойга”си мусобақалари ҳам шулар жумласидандир.
Мусобақа ўтказиш билан биргаликда Шофиркон тумани от спорти усталари от чоптириш борасида ҳудуд ёшларига маҳорат дарсларини ўтаб беришди. Уларнинг эпчиллик ҳамда маҳорат билан амалга оширган ҳаракатлари ёшларда катта таассурот қолдирди.
Мусобақа якунида ташкилотчилар томонидан иштирокчиларга диплом ва эсдалик совғалари топширилди.
