Buxoro viloyati Peshko‘ tumanida yirik ko‘pkari musobaqasi bo‘lib o‘tdi
Joriy yilning 6 noyabr kuni, Milliy gvardiya Buxoro viloyati bo‘yicha boshqarmasi, Qo‘riqlash boshqarmasi hamda viloyat Uloq-ko‘pkari federatsiyasi tomonidan Peshko‘ tumanida sportning uloq-ko‘pkari turi bo‘yicha musobaqa o‘tkazildi.
Mazkur musobaqada 200 ga yaqin mahalliy hamda qo‘shni hududlardan tashrif buyurgan nomdor chavandozlar bir-biridan uchar otlar bilan o‘zaro bellashishdi.
Ikki mingga yaqin mahalliy aholi vakillari, ot sporti ishqibozlari hamda uyushmagan yoshlar ko‘z o‘ngida kechgan ko‘pkari musobaqasi barchada iliq taassurot qoldirdi.
