Chaqiruvga qadar boshlang‘ich tayyorgarlik fani o‘qituvchilari uchun tashkil etilgan mahorat darslari davom etmoqda
O‘zbekiston Respublikasi Milliy Gvardiyasi hamda Maktabgacha va maktab taʼlimi vazirligi hamkorligida Respublikamiz viloyatlarida Milliy gvardiyaga biriktirilgan 56 ta maktabning harbiy-vatanparvarlik sinflarining chaqiruvga qadar boshlang‘ich tayyorgarlik fani o‘qituvchilari uchun poytaxtimizdagi “Temurbeklar maktabi” harbiy akademik litseyida tashkil etilgan o‘quv yig‘inining ikkinchi kuni ham bir qator o‘quv mashg‘ulotlari va ko‘rgazmali tadbirlarga boy bo‘ldi.
Chaqiruvga qadar boshlang‘ich tayyorgarlik fani o‘qituvchilari uchun Milliy gvardiya harbiy orkestri va faxriy qorovul batalyoni tomonidan musiqali va saf chiqishlari namoyish etildi.
Shuningdek, jangovar bo‘linmalar ham o‘zlarining turli noodatiy vaziyatlarda dushmanni yo‘q qilishga qaratilgan harakatlarini ko‘rgazmali tarzda ko‘rsatib berishdi.
Bundan tashqari ular topografiya fanidan mashg‘ulotlarda ishtirok etishib, o‘z bilim va ko‘nikmalarini oshirib borishmoqda.
Albatta ushbu tashkil etilgan o‘quv yig‘ini chaqiruvga qadar boshlang‘ich tayyorgarlik fani o‘qituvchilari uchun malakasini oshirish, o‘zaro tajriba almashish imkonini yaratmoqda. Bu esa o‘z navbatida harbiy vatanparvarlik sinflarida o‘qiyotgan yoshlarni kelgusida muddatli harbiy xizmatga tayyorlashga va harbiylik sir asrorlarini o‘rgatishda natijasini beradi.
