Chekka hududlarda istiqomat qiluvchi yurtdoshlarimiz uchun Milliy gvardiya ko‘magida arzonlashtirilgan yarmarkalar tashkil etildi
Yangi yil bayrami yaqinlashishi bilan barcha ushbu sanani to‘kin dasturxon atrofida kutib olish uchun munosib tayyorgarlik ko‘rishga harakat qiladi. Yigirma turdan ortiq kundalik zaruriy oziq-ovqatlar hamda qishloq xo‘jaligi mahsulotlari bilan to‘ldirilgan savdo yarmarkalari bo‘lsa, fuqarolarimizga juda katta qulayliklar yaratdi desak mubolag‘a bo‘lmaydi.
Shu munosabat bilan Qashqadaryo viloyati Qarshi shahrida O‘zbekiston Respublikasi Milliy gvardiyasi Qashqadaryo viloyati bo‘yicha boshqarmasi hamda Qo‘riqlash boshqarmasi tashabbusi bilan harbiy xizmatchilar va xodimlar, shu bilan bir qatorda, tumanning chekka hududlarida istiqomat qiluvchi fuqarolar uchun arzonlashtirilgan oziq-ovqat yarmarkalari tashkil etilmoqda. Ayniqsa, yarmarkada go‘sht va baliq mahsulotlari, poliz ekinlari, meva sabzavotlar va boshqa turdagi oziq-ovqat mahsulotlari narxlarining hamyonbopligi barchaga maʼqul bo‘ldi.
