Чекка ҳудудларда истиқомат қилувчи юртдошларимиз учун Миллий гвардия кўмагида арзонлаштирилган ярмаркалар ташкил этилди
Янги йил байрами яқинлашиши билан барча ушбу санани тўкин дастурхон атрофида кутиб олиш учун муносиб тайёргарлик кўришга ҳаракат қилади. Йигирма турдан ортиқ кундалик зарурий озиқ-овқатлар ҳамда қишлоқ хўжалиги маҳсулотлари билан тўлдирилган савдо ярмаркалари бўлса, фуқароларимизга жуда катта қулайликлар яратди десак муболаға бўлмайди.
Шу муносабат билан Қашқадарё вилояти Қарши шаҳрида Ўзбекистон Республикаси Миллий гвардияси Қашқадарё вилояти бўйича бошқармаси ҳамда Қўриқлаш бошқармаси ташаббуси билан ҳарбий хизматчилар ва ходимлар, шу билан бир қаторда, туманнинг чекка ҳудудларида истиқомат қилувчи фуқаролар учун арзонлаштирилган озиқ-овқат ярмаркалари ташкил этилмоқда. Айниқса, ярмаркада гўшт ва балиқ маҳсулотлари, полиз экинлари, мева сабзавотлар ва бошқа турдаги озиқ-овқат маҳсулотлари нархларининг ҳамёнбоплиги барчага маъқул бўлди.
