Mazkur yig‘ilish Samarqand viloyati hokimi E.Turdimov ishtirokida va Milliy gvardiya qo‘mondoni R.Djurayev raisligida hokimiyat binosida o‘tkazildi. Tanqidiy ruhda bo‘lib o‘tgan ushbu video-selektor tarzidagi yig‘ilishda idoralararo ishchi guruh tarkibidagi mutasaddi rahbarlar, mahalliy Davlat organlari masʼullari shuningdek, sohaga oid tashkilot vakillari ishtirok etishdi.  

Yig‘ilishda viloyat aholisining elektr energiyasi, gaz hamda ichimlik suvi bilan taʼminlanish ahvoli va fuqarolarning ushbu tizimdan roziligi, isteʼmol bozorlaridagi narx-navo barqarorligi, hududdagi ijtimoiy-iqtisodiy jihatdan og‘ir mahallalarda beshlik yaʼni sektor rahbarlari, mahalla raislari, mahalladagi hokim yordamchilari, yoshlar yetakchilari va xotin-qizlar faollari tomonidan fuqarolarni qabul qilish va ularning muammolarini hal etish, shuningdek aholini tashvishga solayotgan dolzarb kundalik ijtimoiy-maishiy muammolarni yechimini topishda sektorlar faoliyatining samaradorligi, ishsizlik va kambag‘allikni qisqartirish, oilaviy tadbirkorlik, yoshlar va ayollarning tashabbuskor loyihalariga ko‘maklashish amaliyotiga oid masalalar muhokama qilindi.

 Ishchi guruh mutasaddi rahbarlarining har biri belgilab berilgan asosiy yo‘nalishlar bo‘yicha  amalga oshirgan ishlari yuzasidan hisobot berishdi.

Ishchi guruhlar tomonidan aniqlangan muammoli masalalar chuqur va tanqidiy tahlil qilinib, Tashkil etilgan tezkor shtabda ularni yechimi yuzasidan hamkorlikdagi yo‘l xaritasi ishlab chiqqan holda tizimli chora-tadbirlar amalga oshirilishi yuzasidan topshiriqlar berildi.