O‘zbekiston Respublikasi Milliy gvardiyasi Ixtisoslashtirilgan o‘quv markazi shaxsiy tarkibi, harbiy xizmatchilari va ularning farzandlari bilan O‘zbekiston Respublikasi Davlat gerbi qabul qilingan kunning

29 yilligi munosabati bilan “DAVLAT GERBI - MUSTAQILLIK TIMSOLI!” mavzusi ostida maʼnaviy-maʼrifiy tadbir bo‘lib o‘tdi.

Tadbirda O‘zbekiston Respublikasi Oliy Majlisi Qonunchilik palatasi deputati, mudofaa va xavfsizlik qo‘mitasi aʼzosi, siyosiy fanlar nomzodi Karimov To‘lqinjon Fayziyevich, Toshkent davlat yuridik universiteti davlat va huquq nazariyasi kafedrasi mudiri yuridik fanlar nomzodi Muratayev Serikbek Alpamisovich, Muqumiy nomidagi O‘zbekiston Davlat musiqali teatri direktor o‘rinbosari va teatr aktyori Inog‘omov Xayrulla Qayumovich hamda O‘zbekiston Yozuvchilar uyushmasi aʼzosi, Toshkent shahar Yashnobod tuman hokimi o‘rinbosari, shuhrat medali sohibi, shoira Bekmurodova Ozoda Xudayberdiyevnalar ishtirok etdi.

Ayniqsa, so‘z olgan mehmonlar tomonidan gerbning yaralish tarixi, konstitutsiyada belgilangan vazifasi va yoshlar uchun tarbiyaviy ahamiyati to‘g‘risida alohida to‘xtalib o‘tib, bu milliy ramzimiz Gerb nima va qayerda o‘rnatilishi, uning maqsadi va vazifalari haqida ishtirokchilarga batafsil maʼlumotlar berildi.

Shuningdek, Aktyor Xayrulla Inog‘omov va shoira Ozoda Bekmurodova el sevgan ijodkorlarimiz o‘z ijod namunalaridan Vatan, davlat ramzlari va ezgulikni targ‘ib qiluvchi sheʼr va dialoglar o‘qib berishdi. Ona-Vatanni taʼriflashdan maqsad, avvalo, har bir yosh qalbida shu yurtga nisbatan mehr-muhabbat tuyg‘usini mustahkamlashdi.

Shu bilan birga, tadbir davomida o‘quvchi-yoshlarning bo‘sh vaqtlarini unumli o‘tkazish va vatanparvarlik hissini shakllantirish maqsadida “GERBIM- FAXRIM” mavzusidagi rasm chizish tanlovi bo‘lib o‘tdi.

Ushbu tadbirning asosiy maqsadi harbiy xizmatchilarda o‘z ona Vatanidan g‘ururlanish tuyg‘usini yana-da yuksaltirish va ular qalbida shu yurt, shu vatan farzandi ekanligidan iftixor hissini oshirish hamda yoshlarni vatanparvarlik ruhida tarbiyalashdir.