Ўзбекистон Республикаси Миллий гвардияси Ихтисослаштирилган ўқув маркази шахсий таркиби, ҳарбий хизматчилари ва уларнинг фарзандлари билан Ўзбекистон Республикаси Давлат герби қабул қилинган куннинг
29 йиллиги муносабати билан “ДАВЛАТ ГЕРБИ - МУСТАҚИЛЛИК ТИМСОЛИ!” мавзуси остида маънавий-маърифий тадбир бўлиб ўтди.
Тадбирда Ўзбекистон Республикаси Олий Мажлиси Қонунчилик палатаси депутати, мудофаа ва хавфсизлик қўмитаси аъзоси, сиёсий фанлар номзоди Каримов Тўлқинжон Файзиевич, Тошкент давлат юридик университети давлат ва ҳуқуқ назарияси кафедраси мудири юридик фанлар номзоди Муратаев Серикбек Алпамисович, Муқумий номидаги Ўзбекистон Давлат мусиқали театри директор ўринбосари ва театр актёри Иноғомов Хайрулла Қаюмович ҳамда Ўзбекистон Ёзувчилар уюшмаси аъзоси, Тошкент шаҳар Яшнобод туман ҳокими ўринбосари, шуҳрат медали соҳиби, шоира Бекмуродова Озода Худайбердиевналар иштирок этди.
Айниқса, сўз олган меҳмонлар томонидан гербнинг яралиш тарихи, конституцияда белгиланган вазифаси ва ёшлар учун тарбиявий аҳамияти тўғрисида алоҳида тўхталиб ўтиб, бу миллий рамзимиз Герб нима ва қаерда ўрнатилиши, унинг мақсади ва вазифалари ҳақида иштирокчиларга батафсил маълумотлар берилди.
Шунингдек, Актёр Хайрулла Иноғомов ва шоира Озода Бекмуродова эл севган ижодкорларимиз ўз ижод намуналаридан Ватан, давлат рамзлари ва эзгуликни тарғиб қилувчи шеър ва диалоглар ўқиб беришди. Она-Ватанни таърифлашдан мақсад, аввало, ҳар бир ёш қалбида шу юртга нисбатан меҳр-муҳаббат туйғусини мустаҳкамлашди.
Шу билан бирга, тадбир давомида ўқувчи-ёшларнинг бўш вақтларини унумли ўтказиш ва ватанпарварлик ҳиссини шакллантириш мақсадида “ГЕРБИМ- ФАХРИМ” мавзусидаги расм чизиш танлови бўлиб ўтди.
Ушбу тадбирнинг асосий мақсади ҳарбий хизматчиларда ўз она Ватанидан ғурурланиш туйғусини янада юксалтириш ва улар қалбида шу юрт, шу ватан фарзанди эканлигидан ифтихор ҳиссини ошириш ҳамда ёшларни ватанпарварлик руҳида тарбиялашдир.