Davlatimiz rahbarining ommaviy sportni yangi bosqichga olib chiqish borasida olimpiya va paralimpiya harakati yoʻnalishida belgilab bergan muhim vazifalarining amaliy ijrosi taʼminlanmoqda.
O‘zbekiston Respublikasi Sport vaziri A. Ikramov, O‘zbekiston Kamondan otish federatsiyasi raisi-Milliy gvardiya qo‘mondoni R.Djurayev ishtirokida, Butunjahon Kamondan otish federatsiyasi bosh kotibi Tom Dielen va Koreya kamondan otish Assotsiatsiyasi vitse-prezidenti Youngsool JANG lar bilan uchrashuvi bo‘lib o‘tdi.
Ushrashuv oldidan O‘zbekiston Respublikasi Sport vaziri A.Ikramov mehmonlarning O‘zbekistonga tashrifini qutlab samimiy tilaklarini bildirdi. Shundan so‘ng ushbu uchrashuvning dolzarbligi ta’kidlanib, kamondan va parakamondan otish sporti haqiqiy tarixiy o‘zgarishlarga qadam qo‘yayotganligiga alohida urg‘u berildi.
Sport vaziri tomonidan mamlaktimizda, O‘zbekiston Respublikasi Prezidenti, Milliy Olimpiya qo‘mitasi raisi Shavkat Mirziyoyev boshchiligida barcha sport turlari yangi bosqichga olib chiqilayotganligi, mazkur yo‘nalishda belgilab berilgan muhim masalalar yuzasidan, kamondan (parakamondan) otish sohasida ham Federatsiya raisi tomonidan Olimpiada va Paralimpiada o‘yinlariga tayyorgarlikni samarali tashkil etish borasida xalqaro xamkorlik masalalariga alohida e’tibor qaratilayotganligi muhim ahamiyat kasb etishi ta’kidlandi.
O‘zbekistonda kamondan va parakamondan otish sportining rivojlanishi, Milliy Olimpiya qo‘mitasi tomonidan ham qo‘llab-quvvatlanib keng imkoniyatlar yaratib berilayotgani, sportchilarni Olimpiya medallariga intilishlari esa ishonchli strategiyaga aylanib ulgurgani va bu sport sohasidagi ishlarni yangi bosqichga qadam qo‘yganligining mantiqiy natijasi ekanligi ta’kidlandi.
Shundan so‘ng, uchrashuv ochiq muloqot tarzida davom etib, Butunjahon Kamondan va parakamondan otish federatsiyalari va O‘zbekiston Federatsiyasi o‘rtasidagi hamkorlikni kengaytirish, Koreya, Rossiya kabi rivojlangan mamlakatlarning mutaxassislari bilan malaka oshirish dasturlarini tashkil etish, Butunjahon Kamondan otish federatsiyasi tomonidan tasdiqlangan ilgor metodikalarni qo‘llash, jismoniy va psixologik tayyorgarlikning zamonaviy usullaridan foydalanish, sport inventari va maydonlarning sifatini Olimpiada talablariga mos ravishda takomillashtirib borish kabi muhim masalalar muhokama qilindi.
Do‘stona va samimiy ruhda o‘tgan uchrashuv davomida mehmonlarning har biri, hamkorlikning hozirgi holati va istiqbollari to‘g‘risida fikr yuritib, yuqorida muxokama qilingan hamkorlik masalalari va takliflar qo‘llab-quvvatlanishi aytib o‘tildi.
Mehmonlar tadbir yakunida O‘zbekistonda sport sohasida amalga oshirilayotgan ishlarni yuqori baholab, yaratib berilayotgan imkoniyatlar albatta o‘z samarasini berishiga va 2028 yilda Los-Anjelesda bo‘lib o‘tadigan Olimpiya o‘yinlarida barcha turdagi sportchilar tomonidan yuqori natijalar qo‘lga kiritilib O‘zbekistonni jaxon reytingidagi ko‘rsatkichlari o‘ntalikdan kam bo‘lmagan o‘rinlarda bo‘lishiga katta ishonch bildirdilar.
