Milliy gvardiya Jizzax viloyati bo‘yicha boshqarmasi tashabbusi bilan viloyat Qo‘riqlash boshqarmasi hamda Favqulodda vaziyatlar boshqarmasi bilan hamkorlikda Sh.Rashidov tumanidagi " Energy " bolalar sog‘lomlashtirish oromgohida yoz mavsumida bolalar vaqtini sermazmun o‘tkazish hamda favqulodda vaziyatlarga oid bilim va ko‘nikmalarini mustahkamlash maqsadida profilaktik tadbir tashkil etildi. Yozgi ta’tilda sog‘lomlashtirish oromgohlarida dam oluvchi bolalarga favqulodda vaziyatlarda to‘g‘ri harakatlanish, zilzila va yong‘in bo‘lganda muhofazalanish qoidalari to‘g‘risida tushunchalar berildi. Favqulodda holatlarda to‘g‘ri harakatlanish bo‘yicha amaliy mashg‘ulotlar o‘tkazildi. - Namangan viloyati Yangiqo‘rg‘on tumanida 15-maydan 25-sentyabrga qadar "Suvda cho‘milish bilan bog‘liq baxtsiz hodisalarning oldini olish oyligi" deb e’lon qilingan.Oylik doirasida fuqarolarni suvda cho‘kishi bilan bog‘liq noxush holatlarning oldini olish, cho‘milish havzalarida xavfsizlikni ta’minlash mavzusida o‘quv-amaliy seminar o‘tkazildi. "Eski yer" suv omborida tashkil etilgan mazkur ko‘rgazmali o‘quv-amaliy seminar suvda cho‘kayotgan odamni qutqarish hamda jabrlanganlarga birinchi tibbiy yordam ko‘rsatish qoidalari yuzasidan amaliy mashg‘ulotlar ko‘rsatildi. Tadbirda, tuman Milliy gvardiya va Favqulodda vaziyatlar bo‘limi vakillari, tibbiyot birlashmasi shifokorlari hamda "Eski yer" suv ombori ishchi-xizmatchilari ishtirok etdilar. Bu kabi profilaktik tadbirlar respublikamizning barcha hududlarida o‘tkazilmoqda.