Milliy gvardiya harbiy xizmatchilar va xodimlari uchun "Har bir saylovchining ovozi mamlakat kelajagi uchun muhim"shiori ostida o‘quv-seminarlari o‘tkazilmoqda.
Respublikamiz bo‘ylab Milliy gvardiya harbiy xizmatchilar va xodimlari ishtirokida o‘quv-seminarlari o‘tkazilib, unda saylov komissiyalari vakillari joriy yilning 27 oktyabr kuni bo‘lib o‘tadigan O‘zbekiston Respublikasi Oliy Majlisi Qonunchilik palatasi va mahalliy Kengashlar deputatlari saylovining mazmun-mohiyati va ahamiyatini tushuntirmoqda.
Tadbirlar davomida ishtirokchilarga 2023 yil 18 dekabrdagi O‘RQ-883-son Qonuni haqida batafsil maʼlumot berilmoqda. Mazkur qonunga ko‘ra, ayrim qonun hujjatlariga saylov va referendum o‘tkazish tartibini yana-da takomillashtirishga qaratilgan muhim o‘zgartirish va qo‘shimchalar kiritilgan.
Kiritilgan o‘zgartirishlarga ko‘ra Oliy Majlis Qonunchilik palatasi deputatlari saylovini aralash saylov tizimi (ko‘pchilik va proporsional) asosida o‘tkazish, shuningdek, saylov organlarining markazlashgan tizimini shakllantirish, saylov komissiyalari tizimini optimallashtirish, saylov komissiyalari faoliyatini takomillashtirish nazarda tutilgan. Markaziy saylov komissiyasining faoliyati va siyosiy partiyalar tomonidan ko‘rsatilgan ayollar sonini xam oshirildi.
Xususan, saylov kodeksiga kiritilgan o‘zgartish va qo‘shimchalarga muvofiq Qonunchilik palatasi deputatlarini saylash uchun 75 ta hududiy bir kishilik saylov okruglari tuziladi;partiya ro‘yxatiga kiritilgan nomzodlar ushbu siyosiy partiyaning aʼzosi yoki partiyasiz bo‘lishi mumkin. Boshqa siyosiy partiyalarning aʼzolari ushbu ro‘yxatga kiritilishi mumkin emas, ayollar soni siyosiy partiya tomonidan bir mandatli saylov okruglarida, shuningdek partiya ro‘yxati asosida ko‘rsatilgan deputatlikka nomzodlar sonining kamida 40% ni tashkil qilishi kerak (ilgari 30% gacha). Shu bilan birga, partiya ro‘yxatidagi ketma-ketlikdagi beshta nomzodning kamida ikkitasi ayollar bo‘lishi kerak.
