Yoshlarni harbiy-vatanparvarlik ruhida tarbiyalashga doir ishlar samaradorligini yana-da oshirish maqsadida harbiy qismlarda faxriylar ishtirokida “Uch avlod uchrashuvi” maʼnaviy-maʼrifiy tadbirlari o‘tkazilmoqda
Tarix, bugun va kelajakni o‘zida mujassam etgan “Uch avlod uchrashuvi” kabi maʼnaviy-maʼrifiy tadbirlarning harbiy qismlarda o‘tkazilishi go‘zal anʼanaga aylandi.
Ayniqsa, ustoz-shogird yo‘nalishida ko‘p yillik tajribaga ega faxriylar bilan uchrashuvlar muddatli harbiy xizmatchilar va yoshlarda vatanga muhabbat tuyg‘usini shakllantirib, vatanparvarlik ruhida ulg‘ayishiga turtki bo‘lmoqda.
Milliy gvardiyaning Toshkent shahrida joylashgan harbiy qismlarining birida o‘tkazilgan maʼnaviy-maʼrifiy tadbir ham Uchtepa tumanidagi 236-maktab o‘quvchi-yoshlari hamda yosh harbiylarda katta taassurot qoldirdi.
Mazkur tadbirda Toshkent shahar Avg‘on Veteran jangchi faxriysi va nogironlar uyushmasidan faxriylar ishtirok etib, ular yosh avlodga hamda harbiy xizmatchilarga o‘zlarining amaliy tajribalarini, hayotiy ibratga boy voqealarni so‘zlab berishdi. Uchrashuv qizg‘in suhbatlarga boy bo‘lib, yoshlar o‘zlarini qiziqtirgan barcha savollariga javob olishdi.
