YОSHLAR BIZNING KELAJAGIMIZ, BOSHLAGAN EZGU ISHLARIMIZ DAVOMCHILARI
Qashqadaryo viloyati Chiroqchi tumani markazida yoshlar forumi o‘tkazildi.
Mazkur forum yoshlarning taklif va istaklarini o‘rganish, muammolarini hal etishga ko‘maklashish yuzasidan chora-tadbirlarni belgilash, uyushmagan yoshlarni kasb-hunarga o‘rgatish va ish bilan taʼminlash, yoshlarni madaniyat, sanʼat, kitobxonlik, axborot texnologiyalari to‘garaklari hamda sport va harbiy-vatanparvarlik yo‘nalishidagi tadbirlarga jalb etish maqsadini o‘zida mujassam etgan.
Forum avvalida yoshlarning vazirlik va tashkilotlardan ishtirok etayotgan mutasaddi rahbarlariga murojaat qilib soha bo‘yicha berilgan savol va takliflari yuzasidan shu yerning o‘zida ijobiy hal etilishi uchun masʼul xodimlarga tegishli vazifalar belgilandi.
Tadbirning ikkinchi qismida, Milliy gvardiya Qashqadaryo viloyati bo‘yicha boshqarmasi harbiy xizmatchilari tomonidan qurol-aslahalar va jangovar chiqishlar namoyish etildi.
Bundan tashqari forumga kelgan yoshlar 15-sonli Bolalar musiqa va sanʼat maktabi o‘quvchilarining ijod namunalarini tomosha qilishgan bo‘lsa, ish izlab kelgan yosh yigit-qizlar bo‘sh ish o‘rinlari mehnat yarmarkasida ishtirok ettilar.
Forum davomida mahalliy sanʼatkorlar tomonidan Vatanni ulug‘lovchi kuy-qo‘shiqlar ijro etilib, ishtirokchilarga o‘zgacha kayfiyat ulashdi.
