ЁШЛАР БИЗНИНГ КЕЛАЖАГИМИЗ, БОШЛАГАН ЭЗГУ ИШЛАРИМИЗ ДАВОМЧИЛАРИ
Қашқадарё вилояти Чироқчи тумани марказида ёшлар форуми ўтказилди.
Мазкур форум ёшларнинг таклиф ва истакларини ўрганиш, муаммоларини ҳал этишга кўмаклашиш юзасидан чора-тадбирларни белгилаш, уюшмаган ёшларни касб-ҳунарга ўргатиш ва иш билан таъминлаш, ёшларни маданият, санъат, китобхонлик, ахборот технологиялари тўгараклари ҳамда спорт ва ҳарбий-ватанпарварлик йўналишидаги тадбирларга жалб этиш мақсадини ўзида мужассам этган.
Форум аввалида ёшларнинг вазирлик ва ташкилотлардан иштирок этаётган мутасадди раҳбарларига мурожаат қилиб соҳа бўйича берилган савол ва таклифлари юзасидан шу ернинг ўзида ижобий ҳал этилиши учун масъул ходимларга тегишли вазифалар белгиланди.
Тадбирнинг иккинчи қисмида, Миллий гвардия Қашқадарё вилояти бўйича бошқармаси ҳарбий хизматчилари томонидан қурол-аслаҳалар ва жанговар чиқишлар намойиш этилди.
Бундан ташқари форумга келган ёшлар 15-сонли Болалар мусиқа ва санъат мактаби ўқувчиларининг ижод намуналарини томоша қилишган бўлса, иш излаб келган ёш йигит-қизлар бўш иш ўринлари меҳнат ярмаркасида иштирок эттилар.
Форум давомида маҳаллий санъаткорлар томонидан Ватанни улуғловчи куй-қўшиқлар ижро этилиб, иштирокчиларга ўзгача кайфият улашди.
