Yoshlar oyligi doirasida, Baxt shahrida joylashgan Respublika o‘g‘il bolalar o‘quv-tarbiya muassasasi tarbiyalanuvchilarining Toshkent shahriga sayohati tashkillashtirildi
Iyun oyi davomida barcha hududlarda «Yangi O‘zbekiston yoshlari, birlashaylik!» shiori ostida «Yoshlar oyligi» tashkil etilmoqda. Oylik doirasida millionlab yoshlar qamrab olinib, ular ishtirokida qator tadbirlar o‘tkazilmoqda. Milliy gvardiya tizimida ham ushbu oylik muddatli harbiy xizmatchilar, kursant va o‘quvchi yoshlar bilan ko‘tarinki ruhda tashkil etilmoqda. Milliy gvardiyaga biriktirilgan Sirdaryo viloyati Baxt shahrida joylashgan Respublika o‘g‘il bolalar o‘quv-tarbiya muassasasi tarbiyalanuvchilarining Toshkent shahriga uyushtirilgan sayohati ham “Yoshlar oyligi” doirasidagi tadbirlardan sanaladi. 60 nafar bolalar poytaxtga tashrifini “G‘ofur G‘ulom” nomidagi madaniyat va istirohat bog‘idan boshlashdi. Ular bog‘dagi attraksionlarda maza qilib uchishib, bir olam zavqqa to‘lishdi. Bog‘ maʼmuriyati tomonidan ular uchun muzqaymoqlar ham ulashildi. Keyingi manzil poytaxtimizdagi yirik savdo komplekslaridan biri Toshkent City Mall ga bo‘ldi. Tarbiyalanuvchilar mazkur majmuaga tashrif buyurib, zamonaviy bunyodkorlik ishlaridan bahramand bo‘lishib, turli avtomobil modellarini tomosha qilishdi. Shundan so‘ng Jamoat xavfsizligi universitetiga yo‘l olindi. Universitetda ular bilan Milliy gvardiya qo‘mondoni o‘rinbosari polkovnik S.Mamayusupov va univesitet boshlig‘i polkovnik M.Rustambayevlar suhbatlashib, kelgusida yaxshi o‘qib, maktabni aʼlo baholarga tamomlagan yigitlarni oliy harbiy bilim yurtiga qabul qilinishi mumkinligi to‘g‘risida aytib o‘tishdi. Taʼlim muassasaga sayohat davomida yoshlar kursantlar tomonidan tayyorlangan faxriy qorovul bo‘linmasining qurol bilan ko‘rgazmali chiqishlari va qo‘l jangi usullari namoyishini tomosha qilishdi. Universitetdagi otxona, kinologiya xizmati markazi faoliyati bilan tanishishganidan so‘ng kursantlar oshxonasida harbiycha tushlik tanovul qilishdi. Kuning ikkinchi yarmida esa kursantlar yotoqxonasi, sport maydonchasi, o‘quv xonalari, kutubxona va amaliyot uchun qator mashg‘ulotlar maydonlari, universitet muzeylarini tomosha qilishdi. Albatta dam olish kunlarini
