Янгиликлар

Июнь ойи давомида барча ҳудудларда «Янги Ўзбекистон ёшлари, бирлашайлик!» шиори остида «Ёшлар ойлиги» ташкил этилмоқда. Ойлик доирасида миллионлаб ёшлар қамраб олиниб, улар иштирокида қатор тадбирлар ўтказилмоқда. Миллий гвардия тизимида ҳам ушбу ойлик муддатли ҳарбий хизматчилар, курсант ва ўқувчи ёшлар билан кўтаринки руҳда ташкил этилмоқда. Миллий гвардияга бириктирилган Сирдарё вилояти Бахт шаҳрида жойлашган Республика ўғил болалар ўқув-тарбия муассасаси тарбияланувчиларининг Тошкент шаҳрига уюштирилган саёҳати ҳам “Ёшлар ойлиги” доирасидаги тадбирлардан саналади. 60 нафар болалар пойтахтга ташрифини “Ғофур Ғулом” номидаги маданият ва истироҳат боғидан бошлашди. Улар боғдаги аттракционларда маза қилиб учишиб, бир олам завққа тўлишди. Боғ маъмурияти томонидан улар учун музқаймоқлар ҳам улашилди. Кейинги манзил пойтахтимиздаги йирик савдо комплексларидан бири Toshkent City Mall га бўлди. Тарбияланувчилар мазкур мажмуага ташриф буюриб, замонавий бунёдкорлик ишларидан баҳраманд бўлишиб, турли автомобиль моделларини томоша қилишди. Шундан сўнг Жамоат хавфсизлиги университетига йўл олинди. Университетда улар билан Миллий гвардия қўмондони ўринбосари полковник С.Мамаюсупов ва унивеситет бошлиғи полковник М.Рустамбаевлар суҳбатлашиб, келгусида яхши ўқиб, мактабни аъло баҳоларга тамомлаган йигитларни олий ҳарбий билим юртига қабул қилиниши мумкинлиги тўғрисида айтиб ўтишди. Таълим муассасага саёҳат давомида ёшлар курсантлар томонидан тайёрланган фахрий қоровул бўлинмасининг қурол билан кўргазмали чиқишлари ва қўл жанги усуллари намойишини томоша қилишди. Университетдаги отхона, кинология хизмати маркази фаолияти билан танишишганидан сўнг курсантлар ошхонасида ҳарбийча тушлик тановул қилишди. Кунинг иккинчи ярмида эса курсантлар ётоқхонаси, спорт майдончаси, ўқув хоналари, кутубхона ва амалиёт учун қатор машғулотлар майдонлари, университет музейларини томоша қилишди. Албатта дам олиш кунларини