Yoshlarni harbiy vatanparvarlik ruhida tarbiyalashga qaratilgan hamkorlikdagi Memorandum imzolandi
Xavfsizlik kengashining kengaytirilgan yig‘ilishida belgilab berilgan vazifalarning amaliy ijrosi taʼminlanmoqda.
Xususan, Milliy gvardiya Andijon viloyati bo‘yicha boshqarmasi hamda Andijon shahridagi 5-sonli kasb-hunar maktabi o‘rtasidagi imzolangan hamkorlikdagi “Memorandum” o‘quvchilarni harbiy vatanparvarlik ruhida tarbiyalashni asosiy maqsad qilib olgan. Bunda yoshlarni bo‘sh vaqtlarini mazmunli o‘tkazishlari uchun yetarli sharoit yaratib berish, ularni ommaviy sportga jalb qilish, har bir o‘quvchini iqtidoridan kelib chiqqan holda to‘g‘ri kasbga yo‘naltirish kabi bir qator masalalar muhokama qilindi.
Tadbirda mutasaddi rahbarlar o‘zaro fikr mulohazalarini o‘rtaga tashlab, hamkorlikdagi barcha tadbirlarni sifatli va samarali o‘tkazishlari yuzasidan kelishib olishdi.
Shuningdek, o‘quvchi yoshlarni Vatanparvarlik ruhida tarbiyalash borasida ularga Jadid bobolarimiz g‘oya va dasturlarini singdirish, huquqiy savodxonliklarini oshirib ularni turli mafkuraviy tahdidlardan asrash, Vatani va kelajagi uchun masʼuliyatini yana-da oshirish hamda Vatanparvar o‘z kasbiga sadoqatli, fidoyi, mard, jasur va har tomonlama yetuk kadrlar zaxirasini yaratish muhim ahamiyat kasb etishi belgilab olindi.
