Ёшларни ҳарбий ватанпарварлик руҳида тарбиялашга қаратилган ҳамкорликдаги Меморандум имзоланди
Хавфсизлик кенгашининг кенгайтирилган йиғилишида белгилаб берилган вазифаларнинг амалий ижроси таъминланмоқда.
Хусусан, Миллий гвардия Андижон вилояти бўйича бошқармаси ҳамда Андижон шаҳридаги 5-сонли касб-ҳунар мактаби ўртасидаги имзоланган ҳамкорликдаги «Меморандум» ўқувчиларни ҳарбий ватанпарварлик руҳида тарбиялашни асосий мақсад қилиб олган. Бунда ёшларни бўш вақтларини мазмунли ўтказишлари учун етарли шароит яратиб бериш, уларни оммавий спортга жалб қилиш, ҳар бир ўқувчини иқтидоридан келиб чиққан ҳолда тўғри касбга йўналтириш каби бир қатор масалалар муҳокама қилинди.
Тадбирда мутасадди раҳбарлар ўзаро фикр мулоҳазаларини ўртага ташлаб, ҳамкорликдаги барча тадбирларни сифатли ва самарали ўтказишлари юзасидан келишиб олишди.
Шунингдек, ўқувчи ёшларни Ватанпарварлик руҳида тарбиялаш борасида уларга Жадид боболаримиз ғоя ва дастурларини сингдириш, ҳуқуқий саводхонликларини ошириб уларни турли мафкуравий таҳдидлардан асраш, Ватани ва келажаги учун масъулиятини янада ошириш ҳамда Ватанпарвар ўз касбига садоқатли, фидойи, мард, жасур ва ҳар томонлама етук кадрлар захирасини яратиш муҳим аҳамият касб этиши белгилаб олинди.
