EZGU IShLAR DAVOM ETMOQDA
Joriy yilning 6 noyabr' kuni, Davlatimiz rahbarining lavozimga kirishish va qasamyod qabul qilishiga bag‘ishlangan tantanali tadbirdagi ma'ruzasi avomida joriy qilingan yangi tizimning amaliy natijasi sifatida so‘ngi uch oy ichida 3 ta Mehribonlik uyi va 1 ta bolalar shaharchasining o‘z faoliyatini tugatganiga alohida to‘xtalib o‘tgan edi .
Haqiqatdan ham oliyjanob va mehridaryo xalqimiz tomonidan bu kabi ezgu ishlar kundan-kunga kengayib bormoqda. Xususan kuni kecha Xorazm viloyati Xiva tumanida istiqomat qiluvchi Atajonovlar oilasi Xiva shahrida joylashgan Bolalar shaharchasi tarbiyalanuvchilaridan 8 nafarini o‘z bag‘riga olgan bo‘lsa, Toshkent viloyati Yangiyo‘l tumanida yashovchi Boymirzaevlar oilasi ham xalqimizga xos bag‘rikenglik bilan Bo‘ka tumanidagi 15-sonli Mehribonlik uyidan 5 nafar o‘g‘il-qizni oila a'zosi sifatida qabul qilib oldilar.
