Farg‘ona viloyati O‘zbekiston tumanida joylashgan 21 va 24 sonli umumtaʼlim maktablarida “Yosh gvardiyachilar” ixtisoslashtirilgan sinfi tashkil etildi.
Farg‘ona viloyati O‘zbekiston tumanida joylashgan 21 va 24 sonli umumtaʼlim maktablarida “Yosh gvardiyachilar” ixtisoslashtirilgan sinfi tashkil etildi.
Ochilishda Milliy gvardiya boshqarmasi boshlig‘i o‘rinbosari Anvarjon Musinov, maktab rahbariyati keng jamoatchilik vakillari ishtirok etdi. Shu kunning o‘zida maxsus vositalar ko‘rgazmasi tashkil etildi.
Aytish joizki Milliy Gvardiya xodimlari tomonidan Farg‘ona viloyatidagi barcha tuman-shahar maktab va mahallalarda harbiy vatanparvarlik targ‘ibot-tashviqot ishlari olib borilmoqda.
Harbiylar yoshlar bilan muloqot qilib ularni huquqni muhofaza qiluvchi organlar sohasiga qiziqishini oshirmoqda.
O‘quvchilar tashrif buyurgan mehmonlarga jangovor mashqlarini namoyish etdi. Joriy qilinayotgan tizim orqali, o‘quvchilarni vatanparvarlik ruhida tarbiyalash, “huquqbuzarlikka qarshi immunitet” hosil qilish maqsad qilib olingan.Yosh gvardiyachilar harbiy sinf o‘quvchilari odatiy dars jarayonlarida harbiy kiyim kiygan holda qatnashadi.
Maʼlumot uchun: Ularga Milliy Gvardiya boshqarmasidan malakali mutaxassis yuboriladi. CHQBT fani o‘qituvchisidan tashqari Yosh gvardiyachilarga, sport mashg‘ulotlari va qo‘l jangi sanʼatlarini chuqur o‘rgatadi.
Darsdan keyingi bo‘sh vaqtlarida, o‘zlari qiziqqan soha bo‘yicha sport to‘garaklariga jalb etiladi. Bular sirasiga chavandozlar maktabiga borish, kamondan o‘q otish va boshqa to‘garaklar ham kiradi.Bu kabi ishlar o‘quvchilarni vatanga bo‘lgan muhabbatini oshirib harbiy vatanparvarlik ruhida tarbiyalaydi. Hozirda Farg‘ona viloyati bo‘ylab harbiy sinflar bosqichma bosqich ochilishi yo‘lga qo‘yilmoqda.
