Фарғона вилояти Ўзбекистон туманида жойлашган 21 ва 24 сонли умумтаълим мактабларида “Ёш гвардиячилар” ихтисослаштирилган синфи ташкил этилди.
Фарғона вилояти Ўзбекистон туманида жойлашган 21 ва 24 сонли умумтаълим мактабларида “Ёш гвардиячилар” ихтисослаштирилган синфи ташкил этилди.
Очилишда Миллий гвардия бошқармаси бошлиғи ўринбосари Анваржон Мусинов, мактаб раҳбарияти кенг жамоатчилик вакиллари иштирок этди. Шу куннинг ўзида махсус воситалар кўргазмаси ташкил этилди.
Айтиш жоизки Миллий Гвардия ходимлари томонидан Фарғона вилоятидаги барча туман-шаҳар мактаб ва маҳаллаларда ҳарбий ватанпарварлик тарғибот-ташвиқот ишлари олиб борилмоқда.
Ҳарбийлар ёшлар билан мулоқот қилиб уларни ҳуқуқни муҳофаза қилувчи органлар соҳасига қизиқишини оширмоқда.
Ўқувчилар ташриф буюрган меҳмонларга жанговор машқларини намойиш этди. Жорий қилинаётган тизим орқали, ўқувчиларни ватанпарварлик руҳида тарбиялаш, “ҳуқуқбузарликка қарши иммунитет” ҳосил қилиш мақсад қилиб олинган.Ёш гвардиячилар ҳарбий синф ўқувчилари одатий дарс жараёнларида ҳарбий кийим кийган ҳолда қатнашади.
Маълумот учун: Уларга Миллий Гвардия бошқармасидан малакали мутахассис юборилади. ЧҚБТ фани ўқитувчисидан ташқари Ёш гвардиячиларга, спорт машғулотлари ва қўл жанги санъатларини чуқур ўргатади.
Дарсдан кейинги бўш вақтларида, ўзлари қизиққан соҳа бўйича спорт тўгаракларига жалб этилади. Булар сирасига чавандозлар мактабига бориш, камондан ўқ отиш ва бошқа тўгараклар ҳам киради.Бу каби ишлар ўқувчиларни ватанга бўлган муҳаббатини ошириб ҳарбий ватанпарварлик руҳида тарбиялайди. Ҳозирда Фарғона вилояти бўйлаб ҳарбий синфлар босқичма босқич очилиши йўлга қўйилмоқда.
