Farg‘ona mintaqaviy o‘quv markazida "Siz qonunni bilasizmi" zakovat bilimdon viktorinasi bo‘lib o‘tdi
Farg‘ona mintaqaviy o‘quv markazida tahsil olayotgan Milliy gvardiya Qo‘riqlash bosh boshqarmasi safdorlar tarkibini boshlang‘ich tayyorlash va malakasini oshirish bo‘yicha tinglovchilar va Milliy gvardiya qo‘riqlash bosh boshqarmasi qo‘riqlash bo‘linmalari ishchi va xizmatchilarini boshlang‘ich tayyorlash bo‘yicha tinglovchilar o‘rtasida "Siz Qonunni bilasizmi?" mavzusida “ZAKOVAT” bilimdon ko‘rik-tanlovi bo‘lib o‘tdi. Unda "Yosh gvardiyachilar", "Temur o‘g‘lonlari" hamda "Kelajak gvardiyachilari" jamoalari 3 ta shart bo‘yicha o‘zaro bellashdilar.
Murosasiz va qizg‘in bahslarga boy bo‘lgan mazkur viktorinada ishtirokchilarning xar biri barcha shart bo‘yicha puxta tayyorgarlik ko‘rgani, ularning sohaga oid yangi qabul qilinayotgan qonun, farmon, qaror va idoraviy normativ-huquqiy hujjatlarning mazmun va mohiyatidan yaxshi xabardor ekanligini anglash mumkin.
Bellashuv yakuniga ko‘ra Milliy gvardiya qo‘riqlash bosh boshqarmasi qo‘riqlash bo‘linmalari ishchi va xizmatchilarini boshlang‘ich tayyorlash bo‘yicha tinglovchilardan tashkil topgan "Kelajak gvardiyachilari" jamoasi g‘olib deb topildi.
Viktorinada faol qatnashgan va g‘olib bo‘lgan jamoalar tashkilotchilar tomonidan munosib taqdirlandi.
