Фарғона минтақавий ўқув марказида "Сиз қонунни биласизми" заковат билимдон викторинаси бўлиб ўтди
Фарғона минтақавий ўқув марказида таҳсил олаётган Миллий гвардия Қўриқлаш бош бошқармаси сафдорлар таркибини бошланғич тайёрлаш ва малакасини ошириш бўйича тингловчилар ва Миллий гвардия қўриқлаш бош бошқармаси қўриқлаш бўлинмалари ишчи ва хизматчиларини бошланғич тайёрлаш бўйича тингловчилар ўртасида "Сиз Қонунни биласизми?" мавзусида "ЗАКОВАТ" билимдон кўрик-танлови бўлиб ўтди. Унда "Ёш гвардиячилар", "Темур ўғлонлари" ҳамда "Келажак гвардиячилари" жамоалари 3 та шарт бўйича ўзаро беллашдилар.
Муросасиз ва қизғин баҳсларга бой бўлган мазкур викторинада иштирокчиларнинг хар бири барча шарт бўйича пухта тайёргарлик кўргани, уларнинг соҳага оид янги қабул қилинаётган қонун, фармон, қарор ва идоравий норматив-ҳуқуқий ҳужжатларнинг мазмун ва моҳиятидан яхши хабардор эканлигини англаш мумкин.
Беллашув якунига кўра Миллий гвардия қўриқлаш бош бошқармаси қўриқлаш бўлинмалари ишчи ва хизматчиларини бошланғич тайёрлаш бўйича тингловчилардан ташкил топган "Келажак гвардиячилари" жамоаси ғолиб деб топилди.
Викторинада фаол қатнашган ва ғолиб бўлган жамоалар ташкилотчилар томонидан муносиб тақдирланди.
