FARG‘ONA MINTAQAVIY O‘QUV MARKAZIDA YANA BIR QATOR BITIRUVCHILARGA SERTIFIKATLAR TOPSHIRISH MAROSIMI BO‘LIB O‘TDI
Mamlakatimizda shaxs, jamiyat va davlatga tegishli obyektlarni, mol mulklarni ishonchli qo‘riqlashni takomillashtirish uchun zarur shart sharoitlarni yaratish shuningdek, O‘zbekiston Respublikasi Milliy gvardiyasi Qo‘riqlash xizmati faoliyatini samarali tashkil etish maqsadida xodimlarning kasbiy mahoratlari oshirib kelinmoqda. O‘zbekiston Respublikasi Milliy gvardiyasi Farg‘ona mintaqaviy o‘quv markazida o‘quv yig‘inini muvaffaqiyatli tamomlagan tinglovchilarga sertifikatlar topshirish hamda boshlang‘ich tayyorgarlik o‘quv kurslaridan o‘tkazilayotgan tinglovchilarning tantanali qasamyodga keltirish marosimi bo‘lib o‘tdi.
Tadbirga so‘z olganlar tomonidan huquqni muhofaza qilish idoralari bilan hamkorlikda xavfsiz hudud, xavfsiz mamlakat tamoyili asosida kasbga sadoqat bilan mehnat qilish har bir Milliy gvardiya xodimining hayot mazmuniga aylanib, tantana eʼtirof etilib, Markaz bitiruvchilarining yurt tinchligi, xalq manfaati yo‘lidagi xizmatlarida omadlar tilandi.
Bildirilgan yuksak ishonchdan g‘ururlangan soha xodimlari o‘zlariga yuklatilgan vazifalarni aʼlo darajada ado etish sharaf ekanligini bayon etib, yurt tinchligi yo‘lida sadoqat bilan xizmat qilishga vaʼda berdilar.
