Farg‘ona viloyatida “Rahbar va yoshlar” uchrashuvi doirasida Milliy gvardiya mutasaddi rahbarlarining otaliqqa olingan hududiy yoshlar bilan ochiq muloqot tarzidagi uchrashuvi bo‘lib o‘tdi
Milliy gvardiya Farg‘ona viloyati bo‘yicha boshqarmasi boshlig‘i polkovnik Sh.Akbarov boshchiligida Farg‘ona shahri hududidagi otaliqqa olingan mahalla yoshlari ishtirokida "Rahbar va yoshlar" uchrashuvi bo‘lib o‘tdi.
Uchrashuvda Milliy tiklanish demokratik partiyasi Farg‘ona viloyat kengashi raisi, O‘zbekiston Yoshlar ittifoqi Farg‘ona viloyat kengashi, shuningdek, yoshlar yetakchilari ishtirok etdi.
Tashkil etilgan tadbirda polkovnik Shavkat Akbarov mahalla yoshlari bilan ochiq muloqot tarzida suhbatlashib, Prezident tomonidan olib borilayotgan odilona siyosat, yoshlarga yaratilayotgan imkoniyatlar haqida batafsil so‘zlab o‘tdi. Shuningdek, yoshlarning muammo va takliflari chuqur o‘rganilib, bir qator masalalar joyida bartaraf etildi. Yoshlar o‘zini qiziqtirgan savollarga atroflicha javob oldi.
Tadbir so‘ngida yoshlar boshqarma boshlig‘ining tashakkurnomasi bilan taqdirlandi.
