Farg‘ona Mintaqaviy o‘quv markazida navbatdagi 30 nafar bitiruvchilarga sertifikatlar topshirish marosimi bo‘lib o‘tdi
O‘zbekiston Respublikasi Milliy gvardiyasi Farg‘ona mintaqaviy o‘quv markazida malaka oshirish dasturi bo‘yicha o‘qishni tamomlagan 30 nafar tinglovchilar belgilangan reja asosidagi o‘quv kurslarini tamomladilar. O‘quv yig‘ini davomida malakali mutaxassislar ishtirokida amaliy seminar va treninglar, fakultativ mashg‘ulotlar hamda bir qator madaniy-maʼrifiy tadbirlar o‘tkazildi. Asosiysi, ularning bilim va ko‘nikmalari ham amaliy ham nazariy tarzda mustahkamlandi.O‘quv kurslarini muvaffaqiyatli tamomlagan bir guruh bitiruvchilar sertifikatlar bilan taqdirlandilar.
O‘quv yig‘ini davomida o‘zining namunali xulqi, tartib intizomi bilan safdoshlariga o‘rnak bo‘lgan, aʼlo baholarga o‘qigan, sport musobaqalarida yaxshi natijaga erishgan bir guruh tinglovchilar faxriy yorliq va esdalik sovg‘alar bilan taqdirlandi
