FARG‘ONA VILOYATIDA TELEMULOQOT O‘TKAZILDI
Harbiy vatanparvarlik oyligi doirasida harbiy xizmatchilarga yana-da ko‘tarinki kayfiyat bag‘ishlash maqsadida O‘zbekiston Respublikasi Milliy gvardiyasi bo‘linmalarida muddatli harbiy xizmatni o‘tayotgan muddatli harbiy xizmatchilar va ularning ota-onalari hamda mahalliy hokimiyat vakillari bilan hamkorlikda telemuloqot o‘tkazilishini taʼminlash maqsadida Farg‘ona viloyati bo‘yicha milliy gvardiya boshqarmasi Qo‘qon shahar harbiy qismda o‘z yigitlik burchini ado etayotgan bir qator muddatli harbiy xizmatchilar Toshkent viloyati Nurafshon shahrida joylashgan harbiy qism hamkorligida ota-onalar bilan telemuloqot tashkil etildi. Shuningdek, telemuloqotda Toshkent viloyati Chirchiq shahar harbiy qismi muddatli harbiy xizmatchilari va ularning ota-onalari ham ishtirok etdi.
Telemuloqotda muddatli harbiy xizmatchilar o‘zlarining ota-onalari va yaqin qarindoshlari bilan yaqindan suhbatlashildi va bir-birlarini yangi yil bayrami va 14 yanvar “Vatan himoyachilari kuni!” bilan samimiy tabriklashdilar. Suhbat davomida muddatli harbiy xizmatchilar ota-onalariga vatan oldida sadoqat bilan xizmat qilayotganliklarini, harbiy qismda ularga barcha shart-sharoitlar yaratilganligini, Milliy gvardiya saflarida xizmat qilayotganidan faxrlanishini, kelajakda harbiy xizmatchi bo‘lib, vatan oldidagi burchini bajarishda davom ettirish niyatida ekanligini faxr bilan taʼkidlashdi.
