ФАРҒОНА ВИЛОЯТИДА ТEЛEМУЛОҚОТ ЎТКАЗИЛДИ
Ҳарбий ватанпарварлик ойлиги доирасида ҳарбий хизматчиларга янада кўтаринки кайфият бағишлаш мақсадида Ўзбекистон Республикаси Миллий гвардияси бўлинмаларида муддатли ҳарбий хизматни ўтаётган муддатли ҳарбий хизматчилар ва уларнинг ота-оналари ҳамда маҳаллий ҳокимият вакиллари билан ҳамкорликда телемулоқот ўтказилишини таъминлаш мақсадида Фарғона вилояти бўйича миллий гвардия бошқармаси Қўқон шаҳар ҳарбий қисмда ўз йигитлик бурчини адо этаётган бир қатор муддатли ҳарбий хизматчилар Тошкент вилояти Нурафшон шаҳрида жойлашган ҳарбий қисм ҳамкорлигида ота-оналар билан телемулоқот ташкил этилди. Шунингдек, телемулоқотда Тошкент вилояти Чирчиқ шаҳар ҳарбий қисми муддатли ҳарбий хизматчилари ва уларнинг ота-оналари ҳам иштирок этди.
Телемулоқотда муддатли ҳарбий хизматчилар ўзларининг ота-оналари ва яқин қариндошлари билан яқиндан суҳбатлашилди ва бир-бирларини янги йил байрами ва 14 январь “Ватан ҳимоячилари куни!” билан самимий табриклашдилар. Суҳбат давомида муддатли ҳарбий хизматчилар ота-оналарига ватан олдида садоқат билан хизмат қилаётганликларини, ҳарбий қисмда уларга барча шарт-шароитлар яратилганлигини, Миллий гвардия сафларида хизмат қилаётганидан фахрланишини, келажакда ҳарбий хизматчи бўлиб, ватан олдидаги бурчини бажаришда давом эттириш ниятида эканлигини фахр билан таъкидлашди.
