Funksional ko‘pkurash (Krossfit) bo‘yicha g‘oliblar aniqlandi
O‘zbekiston Respublikasi davlat mustaqilligining o‘ttiz uch yilligi oldidan “Bir bo‘lsa – yagona haqmiz, birlashsak - Vatanmiz” shiori ostida Milliy gvardiya bo‘linmalari harbiy xizmatchi va xodimlari o‘rtasida joriy yil avgust oyining birinchi o‘n kunligida O‘zbekiston Funksional ko‘pkurash federatsiyasi sport majmuasida musobaqa o‘tkizadi. Undan ko‘zlangan maqsad bo‘linmalarda jismoniy tayyorgarlik mashg‘ulotlariga “Funksional ko‘pkurashni” kiritish, harbiy xizmatchilar va xodimlar orasida funksional ko‘pkurashni keng targ‘ib qilish bo‘yicha yo‘l xaritasida belgilab berilgan vazifalarni ijrosini taʼminlashdan iborat. Musobaqada Milliy gvardiya Toshkent shahar va viloyati bo‘yicha boshqarmalari, Toshkent shahar Ko‘riqlash boshkarmasi, O‘zbekiston Respublikasi Jamoat xavfsizligi universiteti hamda jamoat tartibini saqlash va maxsus vazifalarni bajaruvchi brigadalari terma jamoalari ishtirok etishdi.
Unda harbiy xizmatchi va xodimlar funksional ko‘pkurash bo‘yicha bugungacha erishgan jismoniy tayyorgarligini sinovdan o‘tkazishdi.
O‘tkazilgan musobaqa yakuni biyicha 1-o‘rinni Toshkent shahar Qo‘riqlash boshqarmasi, 2- va 3-o‘rinlarni esa Milliy gvardiyaning jamoat tartibini saqlash bo‘yicha brigadalari qo‘lga kiritishdi.
Albatta mazkur musobaqalar orqali funksional ko‘pkurash biyicha Milliy gvardiya terma jamoasi shakllantiriladi.
