Функционал кўпкураш (Кроссфит) бўйича ғолиблар аниқланди
Ўзбекистон Республикаси давлат мустақиллигининг ўттиз уч йиллиги олдидан “Бир бўлса – ягона ҳақмиз, бирлашсак - Ватанмиз” шиори остида Миллий гвардия бўлинмалари ҳарбий хизматчи ва ходимлари ўртасида жорий йил август ойининг биринчи ўн кунлигида Ўзбекистон Функционал кўпкураш федерацияси спорт мажмуасида мусобақа ўткизади. Ундан кўзланган мақсад бўлинмаларда жисмоний тайёргарлик машғулотларига “Функционал кўпкурашни” киритиш, ҳарбий хизматчилар ва ходимлар орасида функционал кўпкурашни кенг тарғиб қилиш бўйича йўл харитасида белгилаб берилган вазифаларни ижросини таъминлашдан иборат. Мусобақада Миллий гвардия Тошкент шаҳар ва вилояти бўйича бошқармалари, Тошкент шаҳар Кўриқлаш бошкармаси, Ўзбекистон Республикаси Жамоат хавфсизлиги университети ҳамда жамоат тартибини сақлаш ва махсус вазифаларни бажарувчи бригадалари терма жамоалари иштирок этишди.
Унда ҳарбий хизматчи ва ходимлар функционал кўпкураш бўйича бугунгача эришган жисмоний тайёргарлигини синовдан ўтказишди.
Ўтказилган мусобақа якуни бийича 1-ўринни Тошкент шаҳар Қўриқлаш бошқармаси, 2- ва 3-ўринларни эса Миллий гвардиянинг жамоат тартибини сақлаш бўйича бригадалари қўлга киритишди.
Албатта мазкур мусобақалар орқали функционал кўпкураш бийича Миллий гвардия терма жамоаси шакллантирилади.
