GIYOHVAND MODDALARINI SAQLAGAN SHAXSLARGA NISBATAN JINOYAT ISHI QO‘ZG‘ATILDI
Joriy yilning 19 iyul kuni soat 15:00da Urgut tuman IIB JQB xodimlari va Urgut tuman Milliy gvardiya Qo‘riqlash bo‘limi tomonidan o‘tkazilgan hamkorlikdagi “Qoradori-2022” tadbiri davomida Urgut tumanida yashovchi fuqaro I.A o‘zini shubhali tutganligi sababli, ikki nafar xolislar ishtirokida shaxsiy tintuv o‘tkazilgan. Tintuv vaqtida uning egnida bo‘lgan shimining o‘ng cho‘ntagidan 4 (to‘rt) dona rangsiz sellofan bo‘laklariga alohida-alohida qadoqlangan to‘q jigarrang, o‘tkir hidli giyohvandlik moddasiga o‘xshash modda borligi aniqlangan.
Dastlabki surishtiruv ishlari natijasida topilgan moddalar tarkibida giyohvand moddalar mavjudligi maʼlum bo‘lgan.
Mazkur holat yuzasidan tuman IIB TB tomonidan O‘z.R JKning 276-moddasi 2-qismi bilan jinoyat ishi qo‘zg‘atilgan.
Shuningdek, joriy yilning 22 iyul kuni soat 06:30da Urgut tuman IIB JQB va Urgut tuman Milliy gvardiya Qo‘riqlash bo‘limi xodimlari tomonidan o‘tkazilgan “Qoradori-2022” tadbiri davomida Urgut shahrida istiqomat qiluvchi fuqaro M.Fning xonadoni ko‘zdan kechirilganda uyning chordog‘idan 20 gramm miqdorida bo‘lgan marixuana giyohvandlik moddasi topilgan.
Ushbu holat yuzasidan surishtiruv ishlari Samarqand viloyat IIB xodimlari tomonidan olib borilmoqda.
