HARBIY QISMGA SAYOHAT
Samarqand viloyati bo‘yicha Milliy gvardiya boshqarmasi hamda Yoshlar Ittifoqi Samarqand viloyati kengashi bilan hamkorlikda Milliy gvardiya bo‘linmasida Toyloq tumani va Oqdaryo tumanidagi umumta’lim maktabi o‘quvchi yoshlari uchun ochiq eshiklar kuni doirasida harbiy qismga sayohat o‘tkazildi.
Ushbu tadbirdan ko‘zlangan maqsad o‘quvchi yoshlarda jasurlik va mardlik, faxr va iftixor tuyg‘ularini oshirish, shuningdek ularda vatanparvarlik, Vatanga muhabbat, milliy istiqlol g‘oyalariga sodiqlik, O‘zbekiston Respublikasi Armiyasi va Qurolli Kuchlariga hurmat tuyg‘usini shakllantirishdir.
Yoshlar harbiy qismda harbiy xizmatchilarning ko‘rgazmali chiqishi va qo‘l jangi usullarini tomosha qilib, o‘zlari ham saf tayyorgarligi, qurollarni qismlarga ajratish va yig‘ish, jismoniy tayyorgarlik mashg‘ulotlarini amalda bajarib ko‘rdilar. Shundan so‘ng harbiy qismda ofitser va serjantlar, muddatli harbiy xizmatchilar uchun yaratilgan sharoitlar bilan yaqindan tanishdilar.
O‘quvchi yoshlar harbiy qismga sayohat davomida takrorlanmas taassurotlarga ega bo‘ldilar.