ҲАРБИЙ ҚИСМГА САЁҲАТ
Самарқанд вилояти бўйича Миллий гвардия бошқармаси ҳамда Ёшлар Иттифоқи Самарқанд вилояти кенгаши билан ҳамкорликда Миллий гвардия бўлинмасида Тойлоқ тумани ва Оқдарё туманидаги умумтаълим мактаби ўқувчи ёшлари учун очиқ эшиклар куни доирасида ҳарбий қисмга саёҳат ўтказилди.
Ушбу тадбирдан кўзланган мақсад ўқувчи ёшларда жасурлик ва мардлик, фахр ва ифтихор туйғуларини ошириш, шунингдек уларда ватанпарварлик, Ватанга муҳаббат, миллий истиқлол ғояларига содиқлик, Ўзбекистон Республикаси Армияси ва Қуролли Кучларига ҳурмат туйғусини шакллантиришдир.
Ёшлар ҳарбий қисмда ҳарбий хизматчиларнинг кўргазмали чиқиши ва қўл жанги усулларини томоша қилиб, ўзлари ҳам саф тайёргарлиги, қуролларни қисмларга ажратиш ва йиғиш, жисмоний тайёргарлик машғулотларини амалда бажариб кўрдилар. Шундан сўнг ҳарбий қисмда офицер ва сержантлар, муддатли ҳарбий хизматчилар учун яратилган шароитлар билан яқиндан танишдилар.
Ўқувчи ёшлар ҳарбий қисмга саёҳат давомида такрорланмас таассуротларга эга бўлдилар.
